Ғалымдар күн батареясының принципі бойынша жұмыс істей алатын жаңа материал ойлап тапты. Бұл материалдың әдеттегі күн батареясынан көптеген артықшылығы бар. Біріншіден, оны оны кез келген заттың беткі жағында қолдануға болады. Екіншіден, қолданыстағы материалдардан айырмашылығы - көміртегі негізіндегі органикалық жартылай өткізгіштер икемді және үнемді энергия құралы бола алады. Бұл жайында islam.kz порталы Interesting Engineering ақпарат көзіне сілтеме жасай отырып мәлім етеді. Канзас университетінің ғалымдары органикалық жартылай өткізгіштер саласында маңызды жетістіктерге қол жеткізіп, тиімдірек және жан-жақты күн батареяларын жасау перспективасын ашты. Қолданыстағы кремнилік фотоэлектрлі панелдерінің жоғары тиімділігі мен ұзақ қызмет ету мерзіміне байланысты күн энергиясының негізгі материалы болып келген еді. Дегенмен, кремний күн батареяларының қатты және өндірістік шығыны көптігі. Бұдан бөлек, оны біркелкі түзу емес заттардың беткі жағында қолдануға келе бермейді. Канзас университетінің физика және астрономия профессорының ассистенті және аталмыш зерттеуге атсалысқан Уай-Лунг Чан бұл жаңалықтың күн батареяларын өндіру құнын төмендететінін алға тартты. Ең басты артықшылығы ретінде. Өйткені, бұл материалды қабырғаларды бояйтын ерітінділер немесе сұйықтықтар секілді пайдаланып, кез келген заттың беткі жағына қолдануға болады. Органикалық жартылай өткізгіштерді жарықтың белгілі бір толқын ұзындығын сіңіруі үшін қолдан реттеуге болады, бұл артықшылығы оны кеңінен қолдануға мүмкіндік береді. Осы артықшылықтарға қарамастан, органикалық күн батареялары тиімділігі жағынан кремнилік материалдан жасалған түріне қарағанда едәуір төмен: кремний панелдері күн сәулесінің 25% -ын электр энергиясына айналдырады, ал органикалық элементтердің тиімділігі шамамен 12%-дан аспайды. Канзастағы зерттеу тобы NFA-ның басқа органикалық жартылай өткізгіштерден артықшылығын зерделей келе, дәлірегі, зерттеу кезінде таңқаларлық құбылысты анықтады: белгілі бір жағдайларда NFA-дағы қозғалған электрондар оны жоғалтпай, қоршаған ортадан энергия ала алады. Магистратура студенті Кушал Рижал екі фотонды электрондардың энергиясын секундтың триллионнан бір бөлігіне дейін бақылауға мүмкіндік беретін фотоэмиссиялық спектроскопияны қолданып тәжірибе жүргізген екен. Зерттеушілер кванттық механика мен термодинамиканың өзара әрекеттесуінің нәтижесінде энергияның артатынын алға тартып отыр. Кванттық деңгейде қозған электрондар бір уақытта бірнеше молекулада болуы мүмкін. Бұл процесс термодинамиканың екінші заңымен қосылып, жылу ағынының әдеттегі бағытын өзгертеді