Ғалымдар Quartz-пен есептелген көз торы мен жүрек-қан тамыр аурулары және жүрек-қан тамыр ауруларынан болатын өлім мен инсульт туралы деректер арасындағы күшті байланысты анықтады. Бұл жайында islam.kz порталы The Guardian ақпарат көзіне сілтеме жасай отырып мәлім етеді. Жаңа зерттеу жасанды зерде (AI) құралының жүрек-қан тамыр аурулары мен өлім қаупін бір минуттан аз уақыт ішінде дәл болжай алатынын көрсетті. Аталмыш жүйе ретиналды күретамыр мен артериялар желісін пайдаланады. AI құралы емханада жүргізуді қажет етпейтін инвазивті емес скрининг әдісін береді. Бұл әдіс, әсіресе, қан айналымы жүйесі ауруларының даму қаупі орташа және жоғары адамдар үшін пайдалы. Бұл тараптағы зерттеуге жетекшілік еткен Алисия Рудницка есімді профессор сұхбатында: «Құрал қатер деңгейі туралы ақпаратты 60 секунд немесе одан аз уақыт ішінде береді. Егер пациентке қауіп төнгенін білсе, оларға статиндер немесе басқа емдеу әдістері тағайындалуы мүмкін», деді. Жүрек-тамыр аурулары, жүректің ишемиялық ауруы, жүрек ақауы және инсульт сияқты қан айналымы жүйесінің аурулары бүкіл әлемде ауру мен өлімнің негізгі себептері болып табылады. Қатерді бағалаудың көптеген жүйелері болса да олар қан айналымы жүйесі ауруларының кімде пайда болатынын әрқашан дәл анықтай бермейді. Ғалымдар көздің торлы қабығындағы тамырлар мен артериялар енінің қан айналымы ауруын ерте және жеткілікті дәл көрсете алатындығын дәлелдеді. Осыны ескере отырып, инженерлер Quartz деп аталатын толық автоматтандырылған, AI қолдайтын құралды жасады. Ол тамырлардың саулығын болжау үшін ретиналды тамырларды бейнелеудің әлеуетін және белгілі қауіп факторларын бағалау үшін қолданылады. Бұл бағыттағы тәжірибе аясында ғалымдар кварц көмегімен 88 052 адамның тор қабығының суреттерін сканерледі. Барлығы британдық биобанктің мүшелері және 40 пен 69 жас аралығындағы адамдар. Содан кейін олар Норфолктағы 48 бен 92 жас аралығындағы 7 411 Еуропалық қатерлі ісік зерттеулеріне (EPIC) қатысушылардың ретиналды кескіндерін зерделеді. Субъектілердің денсаулығы жеті жылдан тоғыз жылға дейін бақыланды. Нәтижесінде көздің торлы қабығындағы тамырлар мен артериялардың ені, қисаюы және енінің вариациясы ерлердегі жүрек-қан тамырлары ауруларынан болатын өлімнің болжамы маңызды екені расталды. Ал әйелдерде артериялардың ауданы мен ені, сондай-ақ, тамырлардың қисаюы мен ені маңызды болып шықты. AI көмегімен васкулометрия қаупін болжау толығымен автоматтандырылған, қымбат емес және инвазивті емес. Қан алу немесе қан қысымын өлшеу қажет емес.