Ұлыбритания ғалымдары қағазда, картонда, тіпті, матада орналастыруға болатын пластикалық процессор жасап шығарды. Бұл жайында islam.kz порталы аталмыш зерттеу материалы жарияланған Nature мерзімді басылымына сілтеме жасай отырып мәлім етеді. Мамандардың айтуынша, соңғы 10 ыл ішінде процессор көлемі айтарлықтай кішірейген әрі оның өндіру құны да едәуір арзандаған. Осы заманғы технологияны процессорсыз елестету мүмкін емес: қолыңыздағы ұстап жүрген смартфоннан бастап, компьютерге дейінгі бүгінгі күннің негізгі операциялары жүзеге асырылатын техникаларда кеңінен қолданылады. Интегралды схеманың өнертабысы тарихта адамзаттың ең маңызды жаңалықтарының бірі болып табылады. Барлық дерлік заманауи өнімдер чиптің технологиясын қолданады. Микрочип технологиясын ойлап тапқан пионерлер - Джек Килби және Роберт Нойс . 1959 жылы Кэмби Техас инструменттері кішігірім электрондық схемаларға арналған АҚШ патентін алды, ал Fairchild Semiconductor Corporation Noyce компаниясы кремний негізіндегі интегралды схемаға патент алды. Microchip дегеніміз не? Микрочип кремний немесе герман сияқты жартылай өткізгіш материалдан дайындалады. Microchips, әдетте, микропроцессор ретінде белгілі компьютердің логикалық құрамдас бөлігінде немесе RAM чиптері ретінде белгілі компьютердің жады үшін пайдаланылады. Чиптердің көбісі бұрынғыша кремнилік пластин негізінде жасалатындықтан ол тым қымбат тұрады әрі ресурсты көп шығындауды қажет етеді, ал бір чиптің өзі кем дегенде 8 апта уақытта дайын болады. Осыған байланысты ғалымдар чиптің арзан баламасын асауға мүмкіндік беретін технологияны іздестіріп жатыр. Бұл бағыттағы Arm компаниясының PlasticARM пластикалық чипі – осындай ізденістен туындаған нұсқалардың бірі деуге болады. Пластиктен жасалған чип 32 битті (бит – ақпарат бірлігі) Cortex-M0 процессорымен, сондай-ақ, тұрақты сақтауға арналған ROM (ПЗУ) 456 байт және уақытқа сақтауға арналған RAM (ОЗУ) 128 байтпен жабдықталған. Ол 18 мың логикалық вентелді қамтиды. PlasticARM-ның икемділігі металл оксидінің жұқа плеенкалы транзисторымен (TFT) қамтамасыз етіледі. Иілгіш материалдарда мұндай мкирочип кремнилік нұсқаларына қарағанда ынып кетпейді. Бұл процессорды пластикте, қағазда, картонда немесе матада арзан олмен басып шығаруға мүмкіндік береді. Ғалымдардың сөзіне қарағанда, мұндай чип интернетті барлығына таратуға болады: мәселен, сүттің бүлінгенін көрсететін чипті айтуға болады. Мұндай процессор келесі он жылдықта триллиондаған нысандарда орналастырып, шет-шегі жоқ ақпартты жинауға, өңдеуге, сақтауға мүмкіндік бермек. Пластиктен жасалған чиптің қандай кем-кетігі бар? Бәрібір ол жақын болашақта кремнилік чипті алмастыра алмайды: PlasticARM кем дегенде 60 шаршы миллимтер ауданды алатын 56 340 компоненттен тұрады, яғни, кремниден жасалған Cortex M0 процессорының көлемінен 1500 есе үлкен. Бұдан бөлек, энергия тиімділігі айтарлықтай төмен келеді: PlasticARM 21 милливатт нергияны тұтынғанымен оны 1%-ы ғана кәдеге жаратылады, қалғаны рәуса болып қалады. Бүгінде жартылай өткізгіш өндірісі бойынша АҚШ пен Қытай көш бастап тұр. Boston Consulting Group (BCG) пен Жартылай өткізгіш өнеркәсібі қауымдастығының (SIA) өткен жылғы есебіне қарағанда, бұл нарық, әсересе, пандемияға байланысты қашықтан жұмыс істеу, жер-жерде 5G-желісінің іске қосылуы, жұқпалы індетпен байланысты сақтық әрі шектеу шараларына орай тұтынушылардың электронды саудаға ден қоюы, т.б. микрочипке деген сұранысты арттырған. IDC есебі бойынша жартылай өткізгіш технологиясынан әлем өткен 2020 жылы 442 млрд доллар табыс тапқан. Бұл көрсеткіш оның алдындағы 2019 жылмен салыстырғанда 5,4%-ға артық. Ал кей дерек көзі бойынша жартылай өткізгіш өнімдер саудасынан 449,8 млрд доллар пайда тапқан, 2019 жылғы көрсеткішпен салыстырғанда 7,2%-ға көп.

Ұқсас материалдар:

«Қытай микрочипінің әскери қуаты» (https://www.islam.kz/kk/news/alem/qytai-mikrochipinin-askeri-quaty-13332/#gsc.tab=0);

«Қытай дамуының жаңа "платформасы"» (http://islam.kz/kk/news/alem/qytai-damuynyn-jana-platformasy-11484/#gsc.tab=0)