Швейцариядағы активтер мөлшері бойынша екінші орында тұрған аса ірі Credit Suisse банкі өзінің қосымша акциялар пакетінен шығып кеткен аса ірі акционерінен – Саудияның ұлттық банкінен айырылды. Бұл жайында islam.kz порталы IslamNews ақпарат көзіне сілтеме жасай отырып мәлім етеді. Саудиялықтардың бұл қадамы өз кезегінде швейцариялық қаржы несие конглометрінің баға белгілеу саясатына үлкен соққы болды. Дәлірегі, аталмыш қаржы мекемесінің акциялар бағасы 25%-дан аса құнсызданып кетті. Осының аясында BNP Paribas, Deutsche Bank, Société Générale, Grupo Santander, Crédit Agricole, UBS, UniCredit және басқалардың бағалы қағаздары құлдырады. Бұл жайт еуропалық банктерден тұратын негізгі Euro Stoxx Banks индексін жыл басынан бері 7%-ға төмендетті.