Вирустан қорғану үшін қандай дұға оқып жүрсе болады?
Вирустан қорғану үшін қандай дұға оқып жүрсе болады?
2 ай бұрын 12035

Ассаламу алайкум! Алла сақтасын, дегенмен де, егер вирус елімізге кіріп кетсе, сақтану үшін қандай дұға оқуды ұсынасыз? Қанат.

Уағалейкумуссәләм уә рахматуллаһи уә бәракәтуһ!

Құрметті сауал қоюшы, ондай жағдайда ең алдымен медицинада көрсетілген вирусты жұқтырмау шаралары орындалады. Пайғамбарымыздың (с.а.у.) «оба ауруы шыққан жерден ешкім шықпасын, ол жерге ешкім кірмесін» деп бұйыруының өзі, жұқпалы аурудың жайылуын алдын алу шарасын жүзеге асыру керектігін білдіруде.  

Оған қоса, мына дұғалардың бірін оқып жүруіңізге болады:  

1."Әғузу бикәлиматилләһит-тәммәти мин шәрри мә холәқ".

أَعُوذُ بِكلِمَاتِ الله التّامّاتِ مِن شَرّ مَا خَلَقَ

Мағынасы: «Жаратқан нәрселерінің зардабынан сақтасын деп, Алла Тағаланың кәміл сөздерімен сыйынамын».

2. «Бисмилләһил-ләзий Лә йәдурру маъасмиһи шәй-ун филь Арды уә Лә фис сәмәә. Уәһуәс самиъуль Алим».

بِسْمِ اللهِ الَّذِي لاَ يَضُرُّ مَعَ اسْمِهِ شَيْءٌ فِي الأَرْضِ وَلاَ فِي السَّمَاءِ، وَهُوَ السَّمِيعُ العَلِيم

«Алланың атымен. Сондай, оның есімімен көкте де, жерде де еш нәрсе зардабын тигізбейді. Ол – естуші, білуші».

3. «Әғузу бикәлима́тиЛла́һит тә́ммә́ти мин кулли шайта́нин уә һә́ммәтин, уә мин Кулли айниль Лә́ммә».

 أعوذ بِكَلِماتِ اللَّهِ التَّامَّةِ، مِنْ كُلِّ شَيْطَانٍ وَهَامَّةٍ، وَمِنْ كُلِّ عَيْنٍ لَامَّةٍ 

Мағынасы: «Түрлі жын-шайтанның, түрлі зиянкестің (мысалы: микроб, вирус, паразит, зиянды жәндіктер) және әр түрлі жаман көздің кесірінен сақтасын деп, Алланың кәміл сөздерімен сыйынамын».

Абдусамат Қасым