Қазақстанда суицидке итермелеу қылмыстық жауапкершiлiкке жатқызылмақ. Бұл жауапкершiлiк бойынша суицид тақырыбындағы сайттардың әкiмшiлерi де жазаланбақ. Осы жайында ҚР IIМ вице-министрi Рашид Жақыпов айтты, деп хабарлайды Baq.kz ақпарат көзі.
Қазақстанда суицидке итермелеу қылмыстық жауапкершiлiкке жатқызылмақ
|
«Балалардың сайттар мен әлеуметтiк желiлердегi ақпаратқа шексiз қол жеткiзуi олардың тәртiбiне әсер етедi. Дегенмен, отбасындағы жайсыз жағдай емес ақпараттың баланы суицидке итермелегенiн дәлелдеу өте қиын. ҚР Қылмыстық кодексiнiң 105-шi бабы бойынша өз-өзiне қол жұмсау жағдайына жеткiзгенi үшiн ғана жаза қарастырылған, ал «өлiм сайттары» әкiмшiлерi үшiн қылмыстық жауапкершiлiк тек зардап шеккен азаматты қорқытып, күш көрсеткен жағдайда ғана күшiне енедi», - дедi депутат Асылбек Смағұлов.
Ал, ҚР IIМ вице-министрi Рашид Жақыповтың айтуынша, Iшкi iстер министрлiгi басқа органдармен бiрлесiп, «өлiм сайттарын» анықтап, оларды бұғаттау жұмысын жүргiзiп келедi.
«Депутаттар азаматты ұсыныс, алдау-арбау, ақша беру мен басқа әдiстермен суицидке итермелегендер үшiн қылмыстық жауапкершiлiк енгiзудi ұсынып отыр. Бiз бұл қылмыстың құрамы қандай болатынын және қылмыстық жауапкершiлiктiң қандай болатынын депутаттармен бiрге анықтаймыз», - дедi Жақыпов отырыстан кейiн берген сұхбатында.
Аталған жаңашылдық Қылмыстық кодекске «Балаларды денсаулығы мен дамуына зардабын тигiзетiн ақпараттан қорғау туралы» ҚР Заң жобасы арқылы енгiзiлмек.