Ресей Федерациясының Челябі облысына қарасты Троицк қаласында православ епархиясы мұсылман әйелден өзгеше сыйлыққа ие болды. Нақтырақ айтқанда, мұсылман әйел ғибадат ғимаратын православтарға тарту еткен. Тарқатып айтсақ, Ғалия Исекеева есімді кәсіпкер әйел кафе ашу үшін ескі ғимаратты сатып алған екен. Алайда, бұл ғимараттың бұрын ғибадат ететін орын болғанын білгеннен кейін алғашқы ойынан айнып, дәлірегі, Махалля мешітінің имам-мұхтасибі Аязбек Нұртышевтың кеңесімен православтарға тегін берген. Православтар оның сыйлығын қабыл алып, жөндеуден өткізуге ниетті.