Ғалымдар әлем бойынша (121 мемлекет қамтылған) ысырапшылдықтың жаһандық деректер базасын жасады. Бұл жайында islam.kz порталы nplus1 ақпарат көзіне сілтеме жасай отырып мәлім етеді. Күллі әлем бойынша 2004-2014 жылдар аралығында қоқысқа тасталған азық-түлік 24%-ға өсіп, жылына 1,92 миллиард тоннаға жеткенін анықтады. Табысы төмен елдерде ысыраптың дені өндіріс тізбегінің басында орын алады: азық-түлікті сақтайға арналған тоңазытқыш жабдықтар жетіспейді және көптеген өнімдер фермада көп уақыт өтпей тұтынуға жарамсыз болып қалады. Дамыған елдерде негізгі ысырап артық тұтыну есебінен болады, дәлірегі, қажетінен тыс шамада үйіп-төгіп алады да кәдеге жаратылмай қалады, сосын қоқысқа тасталады. Мысалы, Солтүстік Америкада, Австралияда және Жаңа Зеландияда әр адам күн сайын 1560 килокалорияны ысырап етеді. Ауылшаруашылық жері мен су ресурстарының 20%-ға жуығы азық-түлік өндірісімен байланысты болғандықтан осынша ресурс ысырап болады. Осының кесірінен атмосфераға 1,8 миллиард тонна көмірқышқыл газы бөлінеді.