Екібастұз тұрғыны өзі қолдан құрастырған ұшақпен ұшып жүр. Бұл туралы Tengrinews TV жазады. 

Валерий Жабин ұшағын екі жылда құрастырыпты. Ол - "Қайнар" кешенінде әуе модель үйірмесінің жетекшісі. Енді оқушылары қала үстінде ұша алады. Алайда, ұшақ әуеде тек 10 минут уақыт қалықтайды екен. Алатын биіктігі 500 метр. Бұл әуе конструкторының алтыншы моделі. Ұшатын аппараттың қозғалтқышында 80 аттың күші бар. Шебердің айтуынша, жаңа ұшақ ультражеңілдігімен ерекше. 

Валерий Жабиннің айтуынша, аппаратты ол демеушінің көмегінсіз құрастырыпты. Конструктор өз ұшақтарын сынақ ретіндегі ұшуы алдында тексерсе, оқушылары ұшу-қону жолағын тазалайды екен.