Мичиган университетінің (Америка құрама штаттары) инженерлер тобы тыныс алу жолдарын қорғауға арналған құрылғы жасап шығарды. Бұл жайында islam.kz порталы newatlas.com ақпарат көзіне сілтеме жасай отырып мәлім етеді. Айрықша құрылғы қалқада орналасқан, шлемнің алдыңғы жағында ауа ағынын қалыптастыратын, төмен қараған ауа саптамаларымен жабдықталған дулығадан тұрады. Дулыға шлангілер арқылы салмағы төрт жарым келі тартатын,  құрамында батарея, электроника, ауаны өңдеу жүйесі және термиялық емес плазмалық модул (ол салыстырмалы түрде төмен температурада жасалған иондалған газды пайдаланып ауадағы вирустарды жояды) бар рюкзакқа жалғанған. Тағатын құрылғы іске қосылғаннан кейін саңылаулар төмен қарай ауа пердесін қалыптастырады. Бұл бағыттағы сынақ нәтижесі көрсеткендей, ауа зарарсыздандырылмаса да құрылғы вирустарды қоса алғанда аэрозолдердің 99,8%-ын пайдаланушының тыныс алу ағзаларына жеткізбей жояды. Ерекше технология қазіргі уақытта жүздеген жұмысшы үнемі респираторлық вирустарды жұқтыру қаупіне ұшырайтын Мичигандағы Түркия Producers құс фабрикасында сынақтан өтуде.