Жапонияның GMO Internet Group технологиялық компаниясы елдегі гуманоидты роботтарға арналған жолдағы алғашқы техникалық көмекті таныстырды және жақында «боттарға арналған жедел жәрдем» Токио көшелеріне шығады. Бұл жайында islam.kz порталы humanoid.guide ақпарат көзіне сілтеме жасай отырып мәлім етеді. Арнайы керек-жарақпен, құрал-жабдықпен жарақтандырылған фургон инженерлерді, жөндеу саймандарын, қосалқы бөлшектерді гуманоидтың немесе адам тәрізді роботтың бұзылып, істен шыққан жеріне апарады. Егер ақауды сол жерде жою мүмкін болмаса, роботты жөндеу базасына алып кетеді, ал оның қосалқы бөлігі клиенттің қолында алмастыру автокөлігі сияқты қалады. Фургон автономды емес және робот басқа роботты өзі жөндемейді - ескі және жаңа тәсілдердің қызықты қоспасы шығады. Екі гуманоид тазалаушысы бар қонақ үйді елестетіңіз. Егер біреуі ауысымның басында бұзылса, оны сервистік орталыққа жіберу қонақ үй иесін бірнеше күндік жұмысынан айырады. Жаңа қызмет инженерлер мен бөлшектерді орнына әкелу мерзімін қысқартады: олар проблеманы диагностикалайды, мүмкіндігінше роботты жөндейді немесе сынғандарын алып қалып, басқасымен ауыстырады. Бизнес адамм тәрізді роботтарға тәуелді болған сайын оларға техникалық қымет көрсету, далалық қызмет көрсету және қосалқы бөлшектер логистикасы маңызды болады. GMO Air басшылығының айтуынша, тұжырымдама зақымданған роботтарды жөндеуге жіберуге тура келген тоқтап тұру тәжірибесінен туындаған. Қазір Токио штаб-пәтерінде бір ғана «жедел жәрдем» бар, бірақ, компания сұраныс болған жағдайда паркті кеңейтуді жоспарлап отыр