Қазақстан Республикасының цифрлық даму, инновация және аэроғарыш өнеркәсібі министрі өзінің 2020 жылғы 27 қазандағы бұйрығымен жеке тұлғаларға мемлекеттік қызметтерді көрсету кезінде биометриялық аутентификациясын қолдану үшін олардың биометриялық деректерін жинау, өңдеу және сақтау ережесін бекітті. Бұл жайында bairaq.kz ақпарат көзі мәлім етті. 

Сонымен, мемлекеттік корпорацияның қызметкері биометриялық деректерді жинау және өңдеу алдында қызмет алушыны жеке басын куәландыратын құжаттарды пайдаланып сәйкестендіреді және оның биометрикалық деректерді жинауға, өңдеуге және сақтауға жазбаша келісімін алады.Бұл жағдайда өтініш берушіге мемлекеттік қызметтер көрсету кезінде оның биометриялық деректерін пайдалану шарттары мен негіздері түсіндіріледі.

Мемлекеттік қызметтерді көрсету кезінде аутентификация үшін биометриялық деректерді жинау және өңдеу 18 жасқа толған ерікті адамдардан басталады.

Биометриялық мәліметтерді жинау процесі барлық саусақ іздерін сканерлеу арқылы бояусыз әдіспен жүзеге асырылады, делінген құжатта.

Деректер базасынан биометриялық деректерін жоюға ниет білдіру туралы өтініш Мемлекеттік корпорация филиалдарының халыққа қызмет көрсету жөніндегі кез-келген қалалық (аудандық) бөлімге Нұр-Сұлтан, Алматы, Шымкент қалаларында ұсынылады.