“Астана” халықаралық қаржы орталығы әкімшілігі” АҚ басқарма мүшесі, басқарушы директоры Саясат Нұрбек халал-ипотеканың пайда болуына қатысты пікір білдірді. Бұл туралы Zakon.kz ақпарат көзі хабар таратты.

Оның айтуынша, халал-ипотека елімізде бірнеше жылдан соң пайда болуы мүмкін. Бұл жергілікті қаржы институттарына тікелей байланысты. Евразия нарығында қазіргі таңда 100 миллиондай адам тұратындықтан (20 млн – Ресей, 70-80 млн – Орта Азия аумағында) бұл исламдық қаржыландыру үшін аса тиімді болмақ.

“Қазір исламға қатысы жоқ Лондон, Люксембург, Франкфурт секілді қалалардың өзі ислам қаржы жүйесін тарта бастады”, – дейді Нұрбек. Айтуынша, қазіргі кезде халық әдеттегі қаржылық қызметтерден бас тартып, оның балама көздерін іздей бастаған. Осындай кезде ислам қаржы жүйесінің өз қызметін ұсынуы таптырмас мүмкіндік.