Бұдан былай ұлдар мен қыздар дене шынықтыру пәнін бөлек өтеді

Алдағы оқу жылында білім және тәрбие беру бойынша оқу-әдістемелік нұсқаухат әзірленді деп хабарлайды sn.kz ақпараттық порталы

Алдағы оқу жылынан бастап дене шынықтыру және технология пәні қыз және ұл балалар үшін бөлек өткізіледі. Бұл туралы Білім және ғылым министрлігі мектепке дейінгі және орта білім комитетінің төрағасы Гүлмира Кәрімова мәлім етті.

«Алдағы оқу жылында білім және тәрбие беру бойынша оқу-әдістемелік нұсқаухат әзірленді. Ол биылғы оқу жылының соңына дейін мектептерге жеткізіледі. Жаңа оқу-әдістемелік нұсқаухат мектеп жасына дейінгі балалардың қауіпсіздігін қамтамасыз ету, тәрбие және білім беру беру процесінің сапасын арттыру мақсатында қойылған талаптармен толықтырылды. Ерекше қажеттілігі бар балалармен жұмысты психологиялық-педагогикалық нормаларына сәйкес ұйымдастыру, әлеуметтік тұрғыдан осал топқа жататын отбасы балаларын мамандандырылған білім ұйымдарына қабылдауға арнайы квота енгізу жұмысы жүріп жатыр», – деді Гүлмира Кәрімова Білім және ғылым министрлігінде өткен аппарат жиынында.

Баланың құқығын қорғау: мектептерге QR кодтары бар тақтайшалар орнатылып жатыр

Қазақстан мектептерінде балалар құқығын қорғауға арналған сайтқа QR кодтары бар тақтайшалар орнатылып жатыр. Бұл туралы ҚР Білім және ғылым министрлігі мәлім етті, деп хабарлайды Zakon.kz.

ҚР БҒМ Балалардың құқықтарын қорғау комитеті Балалар жылы аясында «Bala Qorgau» интернет-ресурсын іске қосты. Енді мектептерде QR-коды және «Bala Qorgau» сайтының мекенжайы жазылған арнайы тақтайшалар орнатылып жатыр. QR-кодты сканерлеу арқылы оқушылар «Bala Qorgau» сайтына өтіп, өз сұрақтарын қоя алады. Оқушылар мен ата-аналар да жасырын түрде көмек сұрап, білім беру ұйымдарындағы заңсыз әрекеттер туралы хабарлай алады. Өтініш берушілердің аноним болып қалатынына кепілдік беріледі.ҚР Білім және ғылым министрлігінің баспасөз қызметі

Ведомствоның мәлімдеуінше, QR-тақтайшалар Нұр-Сұлтан мен Алматының бірнеше мектебінде орнатылды.

Алдағы уақытта олар басқа да білім беру ұйымдарында орнатылады. Қазірдің өзінде 100-ден астам өтініш түсті, олар негізінен балалар мен ата-аналар арасындағы қарым-қатынас мәселелеріне қатысты.ҚР Білім және ғылым министрлігінің баспасөз қызметі

Министрлік өкілі атап өткендей, «Bala Qorgau» сайты оқушылар әрдайым қажетті қолдау мен көмек сұрап, өзін қауіпсіз сезінуі үшін жасалған.

Әртүрлі жағдайларға тап болған балалар көбінесе өзін қалай ұстау және кімнен көмек сұрау керегін білмейді. Олар өздеріне немесе құрдастарына қатысты буллинг фактілерін кімге хабарлау керегін білмейді. Енді оқушылар QR-кодты сканерлеп, бізбен байланыса алады, сөйтіп оларға қажетті консультация, психологиялық көмек көрсетіледі. Веб-сайт оқушыларды толғандыратын өзекті мәселелерді, сондай-ақ балалар құқықтарын бұзу фактілерін тез арада анықтауға көмектеседі. Бұл ресурс оқушылардың және олардың ата-аналарының құқықтық сауаттылығын арттыруға септігін тигізеді.ҚР БҒМ Балалардың құқықтарын қорғау комитеті төрағасының орынбасары Элина Паули

Министрліктің мәлімдеуінше, сайтта оқушылар мен ата-аналар белгілі бір жағдайға тап болғанда өзін қалай ұстау керегі туралы кеңестер таба алады.

Мысалы, жаңа достар табуға, жаман ортаға тап болмауға және т.б. туралы ақпарат бар. Балалар сұрақты ашық та, жасырын да қоя алады. Ол үшін веб-сайтта өтініш қалдыру керек, кейін кеңесшілер кері байланыс жасап, балалар мен ата-аналарды мазалайтын сұрақтарға жауап береді.Элина Паули

Аида Тақабаева