Global Look Citigroup қаржы компаниясы Diebold өндірушісі шығарған жаңа банкоматтарды сынауда. Бір қызығы, бұл банкоматтан ақша алу үшін көзіңіздің нұрлы қабықшасын көрсетіп, машинаға сканерлетсеңіз жетіп жатыр, деп жазады Diebold ресми сайты. Бұған Irving технологиясы арқылы қол жеткізілген екен. Келешекте қолма-қол ақшаны шешу үшін картаның қажеті болмай қалады. Тиісті банктің қосымшасы жүктелген cмартфон немесе планшетте қажетті соманы көрсетсеңіз, артынша жақын маңдағы банкоматқа барып, көздің нұрлы қабықшасын сканерлейсіз де ақшаны сол жерден ала бересіз. Бұл үшін небәрі 10 секунд уақыт жұмсайсыз, дейді компания өкілдері.

Дайындаған: Г. Абилова