Мешітке шабуыл жасағандар жазасын алды

10 жыл бұрын 3534

Британия соты өткен жылы Блэкпул мешітіне шабуыл жасаған төрт вандалды абақтыға жапты. 21 жастағы Томас Эштон, 31 жастағы Эндрю Уорнер, 25 жастағы Трэвис Крэбтри және 28 жастағы Стивен Уайт мешіт ауласына доңыздың басын лақтырып кеткен болатын. Қылмыскерлер мұндай келеңсіздікке діни араздықты қоздыру үшін барғандарын мойындады. Аталмыш мешіт имамы оларды кешіргенімен қаскүнемдер соттың жазасынан құтылмады: 7 айдан 14 айға дейін бас бостандықтарынан айырылды. Бұл жайында The Daily Mail ақпарат көзі хабар таратты.