Осыдан жиырма жыл бұрын туыстарына білдірмей ислам дінін қабылдаған, тура жолға түскеннен кейін есімін Нұра деп өзгерткен, 38 жасында бақилық болған қытай ақ жаулықтысының мұсылман болғаны анықталды. Малайзияда дүниеден озған марқұмның сүйегін туыстары Дао ғұрпы бойынша жерлемек болғанда (өртеп, күлін құтыға салып қояды) діни департаменттің шенеуніктері оның хақ дінді қабылдағанын жария еткен көрінеді. Алайда, діни департамент өкілдерінің сөзіне сенбеген марқұмның туыстары оның сүйегін беруден бас тартқан екен. Ол ол ма, жергілікті депутатты шақырып, шу шығарған көрінеді. Екі сағатқа созылған келіссөзден кейін марқұмның сүйегі мұсылман ғұрпы бойынша жер қойнауына тапсырылған.