«Егер жұмыскердің өзінің 1998 жылдан аударатын міндетті зейнетақы жарнасының сомасы, жұмыс берушілердің 2014 жылдан жасайтын жарнасы және ерікті зейнетақы аударымдарының сомасы зейнетақы аннуитетін сатып алуға жеткілікті болса (ер адамдарға - 7 098 035 теңге, әйелдерге – 9 890 035 теңге), онда ол азамат зейнетке 50 жасында шыға алады», - деді вице-министр.

Бірыңғай жинақтаушы зейнетақы қорының дерегіне сүйенсек, мұндай құқықты зиянды еңбек жағдайындағы 640 адам пайдаланған.

Естеріңізге сала кетейік, келесі жылдың 1 шілдесінен бастап зейнетақы азаматтардың еңбек өтіліне байланысты есептеледі.

«Еңбек және халықты әлеуметтік қорғау министрлігі 2018 жылдың 1 шілдесінен бастап енгізілетін базалық зейнетақыны тағайындаудың жаңа тәсілін түсіндіру тұрғысында белсенді жұмыс жүргізіліп жатыр. Негізі өңірлерге шығып, азаматтармен кездесудеміз. Бір айта кететін жайт, негізі 1998 жылдың 1 қаңтарына дейін ынтымақты еңбек өтілі саналатын. Ал 1998 жылдан кейін зейнетақы жүйесіне қатысы бар жарналарды аударған жылдар есепке алынады», - деп түсіндірді ол.