Сәресіде ниет етіп, ауыз бекітіп қойғаннан кейін қайта су ішуге бола ма?
Сәресіде ниет етіп, ауыз бекітіп қойғаннан кейін қайта су ішуге бола ма?
12 күн бұрын 5921

Әссәләмуғалейкум! Сұрақ қойсам деп едім. Бір адам аузды жауып қойса, бірақ «уақыт бар екен,» деп, қайта ашып, су ішіп жапса, не болды? Бақыт Бекболатов.

Уағалейкумуссәләм уә рахматуллаһи уә бәракәтуһ!

Ауыз бекіту уақыты – ниет еткеннен кейін емес, таң намазының уақыты кірісімен басталады. Сол себепті, егер сәресі уақыты әлі шықпаған болса (яғни, таң намазы кіріп қоймаған болса), қайта су ішуіне болады. Оған алдын-ала жасаған ниеті бұзылмайды, оразасы дұрыс.

Ханафи кітаптарының бірінде мынадай сөз бар: «Егер, түннен ниет етіп, одан соң жеп-ішсе, ниеті бұзылмайды»[1].

Ал сәресі уақыты шығып қойған жағдайда, еш нәр татпауы керек.


[1] Әз-Зәбиди: әл-Жәуһәрә. 1/330 бет.

Абдусамат Қасым