Əссаламуəлейкум! Таң намазынан кейін күн шыққан уақытқа шейін (мəкруһ уақыттарда)Алланы ұлықтайтын зікірлер айтуға жəне истиғфар айтуға (астағфируллаһ) бола ма екен? Əлде күн шыққан уақытта оларды да айтуды тоқтатуымыз керек пе? G
|
Мәкруһ уақыттарда зікір айтып, тәспих тартуға бола ма?
|
Уағалейкумуссәләм уә рахматуллаһи уә бәракәтуһ!
Мәкруһ уақыттары тек намаз, жаназа және тиләуәт сәждесіне қатысты[1]. Тәспихаттарға қатысы жоқ. Сондықтан да, мәкруһ уақыттарда Алланы еске алып, тәспі тартудың және Құран оқудың ешқандай ағаттығы жоқ.
Құран Кәрімде былай делінеді:
فِي بُيُوتٍ أَذِنَ اللَّهُ أَن تُرْفَعَ وَيُذْكَرَ فِيهَا اسْمُهُ يُسَبِّحُ لَهُ فِيهَا بِالْغُدُوِّ وَالْآصَالِ
«Алланың өзін ұлықтап, өз атын еске алуға бұйырған үйлерде (мешіттерде) ертелі-кеш Алланы пәктеп, оған тәспих айтылып тұрады»[2].
[1] «Сахих Мүслімде» риуаят етілген бір хадисте былай делінеді: «Мына үш уақытта Пайғамбарымыз (с.а.у.) намаз оқудан және мәйіттерімізді қабірге көмуімізден тыйды (жаназа намазы): Күн шыға бастағаннан көтерілгенге дейін, тапа тал түсте зәуәл уақытына дейінгі және күн бата бастағаннан, ұясына кіргенге дейінгі уақыт. (Китабу Салатил Мусафирин уа қасриһа).
[2] Құран Кәрім: «Нұр» сүресі, 36 аят.
