Жұма күнгі дұға қабыл болатын уақыт қай сәтке тура келеді?
Жұма күнгі дұға қабыл болатын уақыт қай сәтке тура келеді?
12 ай бұрын 4963

Әссәләмуғалейкум! Жұма күні дұғамыз қабыл болатын сәттің қай сәт екенін айтып жіберсеңіз!

Уағалейкумуссәләм уә рахматуллаһи уә бәракәтуһ!

Ханафи мәзхабы ғұламаларының тоқтамы бойынша, жұма күнгі дұға қабыл болатын сәт - асыр намазының уақыты кіргеннен басталады. Яғни, екінті уақыты кіргеннен бастап, күн батқанға шейінгі аралық – дұға қабыл болатын уақыт деседі ғалымдар[1]. Бұл мына хадиске сүйенеді:

Сахаба Әнәс ибн Мәликтен жеткен хадисте Алла елшісі Мұхаммед ғалейһиссәләм былай деген:  

  الْتَمِسُوا السَّاعَةَ الَّتِي تُرْجَى فِي يَوْمِ الْجُمُعَةِ بَعْدَ الْعَصْرِ إِلَى غَيْبُوبَةِ الشَّمْسِ  

"Жұма күні (дұға қабыл болады деп) үміт етілетін сәтті екінті уақытынан бастап, күн батқанға дейінгі аралықта іздеңдер!"[2] . 


[1] Ибн Нүжейм: әл-Әшбәһ уән Назаир.
[2] Имам Тирмизи: Сүнән.

Абдусамат Қасым