SMS арқылы талақ берсе, санала ма?
SMS арқылы талақ берсе, санала ма?
1 жыл бұрын 2771

Ассаляму'алейкум! Смс арқылы талақ берсе, санала ма? Жоқ әлде, ауызбен естірту шарт па? Алиби.

Уағалейкумуссәләм уә рахматуллаһи уә бәракәтуһ!

Ертеректе Ислам ғұламалары хат арқылы жазып жіберген талақты «талақ саналады» деген. Сол себепті, күйеуі талақ ету ниетімен әйелінің атын атап «пәленше, мен сені талақ еттім» десе,  не болмаса «сені талақ еттім, талақ бол» деп жазып жіберген болса, онысы талаққа есеп. Талақ – жазған сәттен бастап саналады[1].  

Алайда, «мына хатты алған бойда немесе хатты оқыған бойда, талақ бол» деген сияқты хатты әйелінің алуына байланыстырып жазған жағдайда, хат қолына түскен мезеттен бастап талақ саналады. Хат жетпесе, талақ саналмайды[2]. Ең дұрысы - Аллаға мәлім! 


[1] Ибн Ғабидин: Раддуль Мухтар – 9/150-151 бет.
[2] Фәтәуә әл-Һиндия – 1/414 бет.

Абдусамат Қасым