Құлпытасқа мархұмның суретін салдыруға бола ма?
Құлпытасқа мархұмның суретін салдыруға бола ма?
18 күн бұрын 3352

Ассалямуалейкум! Осы бейіттің басына тас койған кезде, тасқа қайтыс болған адамның суретін қояды. Осы дұрыс па? Жанболат Ахмет

Уағалейкумуссәләм уә рахматуллаһи уә бәракәтуһ!

Құлпытасқа мархұмның бейнесін бейнелеуге болмайды. Шариғатта құпталмайтын әрекет.  Одан басқа, белгі ретінде басына тас қоюға және мархұмның аты-жөнін жазуға рұқсат етіледі[1].

Осы орайда айта кету керек, құлпытастың өзін де барынша қарапайым етіп жасатқан абзал. Қажеттен тыс биіктетіп, қымбат тастардан орнатудың қажеті жоқ. Бұл да қабірді әшекейлеу ісіне жататындықтан, мәкруһ саналады деуге негіз бар. 


[1] Фәтәуә әт-Тәтәрхания – 2/130 бет: Имам Әбу Юсуф бастаған кейібір ғалымдар тасқа жазудың өзін мәкруһ санаса, кейбір ғалымдар рұқсат деген.

Абдусамат Қасым