Жұмақта әйелдерге "хор жігіттері" бола ма?
Жұмақта әйелдерге "хор жігіттері" бола ма?
5 жыл бұрын 5536

Сәлеметсіздер ме?  Пейіште неге тек ер кісілерге ғана хор қыздары беріледі. Әйелдерге «хор жігіттер» берілмейді ме? Нуреке.

Әйел кісі пейішке кірсе, өз ерімен болады. Ал, тұрмысқа шықпаған бойдақ әйелдер өзі сияқты бойдақ боп өткен еркекке үйленеді дейді мамандар. Өйткені Пайғамбарымыздың хадисінде «Пейіште бойдақ болмайды»[1] делінген.

Ал, хор жігіттер әйелдерге берілмейді. Өйткені, әйел адам пейіште өз ерінен өзгеге құштар болмайды. Бұған дәлел Құранның мына аяты: «Жәннәтта бөгде еркектерге көз салмайтын... (жұбайлар) бар»[2]. Осы аятқа сахаба Абдулла ибн Аббас: «Өздерінің күйеулерінен өзгелерге қарамайды. Олар үшін жәннәтта жолдастарынан асқан әдемі жан болмайды», – деп түсіндірме берген[3].

[1] Сахих Муслим, Китабуль Жәннә: «Бәбу әууәли зумратин...», №2834-хадис.
[2] Рахман сүресі – 56 аят.
[3] Ибн Кәсир тәпсірі, Рахман сүресі – 56 аят түсіндірмесі.

Абдусамат Қасым