Бұл жігіттің жасағаны ерлік емей немене?!
Голландия тұрғыны Томми Клейн күнде таңертең велосипед тебуді ұнатады. Бір күні таңертең әдеттегі серуеніне шыққанда көл жағасынан өтіп бара жатып, ол жердің қоқысқа толғанын көріп, көңілі түсіп кетеді. Күндер өтсе де, ол қоқысты ешкімнің жинайтын түрі жоқ. Содан не істемек керек? Томми күнделікті ұйқысының жарты сағатын қиып, ертерек тұрып әлгі жағалауға келеді екен. Сөйтіп, шашылып жатқан қоқысты бір қапқа толтырып салып, қоқыс жәшігіне апарып тастайды. Бұл күнделікті жалғасып тұрады.
