NUR.KZ ақпарат көзінің хабарына қарағанда, міне, бір-екі күн болды, еліміздің барлық түкпірінде күн қайта суытып, жауын мен боранның арты қарға ұласты. Қар түспеген оңтүстік өңірлердің өзінде қара суық қақап тұр. Биыл көктем тым кешікті. «Сәуір болмай тәуір болмас» десек те, қардың ерімей, қара жердің төсінде ұзақ жатып алуы, бұрқасындатып қайта қардың жаууы қыстың соңғы тұяқ серпуі ме деп қаласың. Мына суретке қарап отырып, оңтүстік астанамызға қыс қайта оралғандай ма деп қаласың. Алматы қаласының Табиғатты пайдалануды реттеумен айналысатын құзырлы орынның табиғи ресурстар басқармасының баспасөз қызметі таратқан хабары бойынша оңтүстік астанамызға жауған қардың қалыңдығы 15 сантиметрге жеткен, әлемге әйгілі Шымбұлақта 30 сантиметрге дейін қар жауған.