"Астана қаласындағы ғибадат үйлерінен тыс жерлерде діни іс-шараларды өткізуге арналған кейбір ғибадат үйлерінің жабылуына қатысты:

Қазіргі уақытта Астана қаласының Дін істері басқармасымен ғибадат үйлерінен тыс жерлерде діни іс-шараларды өткізуге арналған ғибадат үйлерін, соның ішінде құлшылық бөлмелерін (намазхана) құқық нормаларымен сәйкестендіру бойынша жұмыстар жүргізілуде.
Атап айтқанда, ҚР «Діни қызмет және діни бірлестіктер туралы» Заңының 5 бабына сәйкес жергілікті атқарушы органдар ғибадат үйлерінен (ғимараттарынан) тыс жерлерде діни іс-шараларды өткізуге арналған үй-жайлардың орналасуын келіседі.
Норма діни әдебиетті және діни мазмұндағы өзге де ақпараттық материалдарды, діни мақсаттағы заттарды тарату үшін арнайы тұрақты үй-жайларды, сондай-ақ ғибадат үйлерінен (ғимараттарынан) тыс жерлерде діни іс-шараларды өткізуге арналған үй-жайлардың орналасатын жерін анықтау жөніндегі Инструкцияда қамтылған. Осы Инструкция ҚР Дін істері агенттігінің 23.07.2013 жылғы № 34 бұйрығымен бекітілген.
Аталған Инструкцияға сәйкес діни іс-шараларды өткізуге арналған үй-жайлар білім беру мекемелері, мемлекеттік органдар, мемлекеттік мекемелер, Қарулы күштер, басқа да бөлімдер мен әскери құрылымдар, сот және құқық қорғау органдары, қылмыстық-атқару жүйесі және мемлекеттік мекемелерден ең аз 300 метр қашықтықта орналасуы тиіс.
Белгілі болғандай, кейбір осындай үй-жайлар аталған талаптарға жауап бере алмайды. Осыған байланысты, Астана қаласы Дін істері басқармасының ақпараты бойынша, олардың қызметі үй-жайлардың қызмет көрсетуінің нақты параметрлері анықталғанға дейін уақытша тоқтатылған.
Сонымен қатар, жаңадан құрылған Дін істері және азаматтық қоғам министрлігімен діни қызмет саласындағы нормативтік – құқықтық актілерді әзірлеу және жаңарту барысында діни бірлестіктер мен азаматтардың әртүрлі топтарынан түсіп жатқан ұсыныстар қаралады және мүмкіндігінше ескерілетін болады" - дейді Ғалым Шойкин өз сөзінде.

Естеріңізде болса бұған дейін Астанадағы СОСО мен түрлі қоғамдық орындардағы, әуежайлар мен вокзалдардағы намаз оқитын орындар (намазханалар) жабылған болатын.