Онда педофилдердің мекен-жайы мен жеке басы туралы ақпараттан бастап саусақ пен алақан іздері, шаш, қан секілді ДНҚ-сын анықтауға қажетті заттар сақталады. Сөйтіп, Ішкі істер министрлігі мың жарымға жуық азғынды арнайы тізімге енгізіп қоймақшы. Негізі мұндай бастама талай көтерілгенімен, бес жылдан кейін ғана іске асыру жоспарланған болатын. Бірақ, ұл-қыздар педофилдердің құрбанына айналып жатқанына алаңдаған депутат Балиева мұны қазірден қолға алу қажет деп отыр. Балаларды қаскөйлерден қорғауға арналған құжатты Мәжіліс бірінші оқылымда мақұлдап жіберді.

«Біз қоғамды барынша қауіпсіз еткіміз келеді. Әсіресе, балалар үшін. Түрмелерде қазір жүздеген педофил жазасын өтеп жатыр. Ертең олар бостандыққа шығып, бұрыңғы әдетіне қайта басуы мүмкін. Сондықтан оларды қазірден бақылауға алу керек», - дейді Мәжіліс депутаты Зағипа Балиева.