Осы орайда мамандар «Діни қызмет және діни бірлестіктер» заңын қатаңдатуды көздеп отыр. Дін істері комитетінің өкілі Бақытжан Күлекеевтің айтуынша, қолданыстағы заң жобасы 2011 жылы қабылданған. Осыған сәйкес, ресми тіркеуден өткен бірлестіктерге ғана діни қызметпен айналысуға рұқсат беріледі. Ал заңсыз насихат жүргізгендер жауапқа тартылады. Статистикаға сүйенсек, елімізде 18 ағым бойынша 3 мыңнан астам ұйым тіркелген.
Бақытжан Күлекеев, ҚР Дін істері және азаматтық қоғам министрлігінің комитет төрағасының орынбасары:
– Келер жылы заңнаманы жетілдіруді жоспарлап отырмыз. Қандай өзгерістер мен толықтыру енгізілетіні әлі нақты емес. Өйткені қазір заң жобасы қаралып жатыр.
