Қазақтардың генофоны зерттелетін болды
Қазақтардың генофоны зерттелетін болды
2 жыл бұрын 928

Қазақстан ұлттық географиялық қоғамы директорының орынбасары Сәулет Сәкенов Ұлытауда қазақтардың генетикалық сынағын жүргiзудi ұсынды.

Бұл туралы nur.kz ақпарат көзі Алматы арнасына сілтеме жасай отырып хабар таратты.

"Ұлытау қазақтардың араласып, бiр-бiрiмен бас қосатын орталығы болған. Осынау кең далада тiлдiк ерекшелiктер мен диалектiнiң жоқтығы да осыдан. Ұлытау - ұлт ұясы. Сондықтан ондағы халықтың генетикалық материалын алып, қазақтардың генофонына зерттеу жасауға болады", - дейді президент жанындағы Орталық коммуникациялар қызметiнде өткен брифингте Сәулет Сәкенов.

Оның айтуынша, Назарбаев университетiнде Қазақстандағы жергiлiктi халықтың генетикалық құрылымына зерттеу басталған. Сәкенов сол жұмыстың Ұлытау өлкесiнде де өткiзiлгенiн қалап отыр.

"Бiз ол командамен жүздесiп, Ұлытауға шақырдық. Олар кейiн Ұлытауға соғып, ол жерден де генетикалық материал алуға болатынын айтты. Бұл жоба бiздiң көмегiмiзбен жүзеге асуы ықтимал. Біз қазақтардың генетикалық құрылымын бiлгiмiз келедi. Содан соң генетикалық байланыстарды да анықтағымыз келiп отыр. Қазақтар Орталық Азиялық мәдениетке қалай келгенiн бiлу тұрғысында бұл өте қызықты жоба. Егер барлығы іске асса, жыл соңында белгiлi болады", - деп түйдi сөзiн Сәкенов.

Айта кетейiк, Сәулет Сәкенов бастаған экспедиция 2014 жылы тамыз айында Ұлытау өлкесiнде болған еді. Соның арқасында қыруар зерттеулер жүргiзiлiп, аймақтың Google Maps-тағы картасы жасалды.

0 пікір