Малиде эбола дерті жойылды

Мали үкіметі эбола індетінен азат болғанын жариялады, деп хабарлады ВВС. Елдің денсаулық министрінің мәлімдемесінде ауруды жұқтыру фактісі соңғы 42 күнде тіркелмегені жазылған.

Мали - Батыс Африкадағы эбола вирусынан зардап шеккен алты елдің бірі. Мұнда аталған дерт салдарынан шамамен алты адам қаза тапты.

БҰҰ ақпаратынша, эболаны жұқтыру салдарынан 8400-ден астам адам көз жұмды. Қайғылы аяқталған оқиғалар көбіне Гвинея, Сьерра-Леон және Либерияда тіркелген.