Стаффордшир университетінің жуырда жүргізілген зерттеу нәтижесі көрсеткендей, британ футболының жарық жұлдызына айналған Мұхаммед Салақ өзінің жасыл алаңдағы ойын өргенімен, асқан шеберлігімен аталған елдегі исламофобияның арыны мен екпінін басқан. Әлемнің күллі саясаткерлері мен сарапшылары шеше алмай жүрген осынау жат әлеуметтік құбылыстың бетін бір ғана адам қайтарған. Бұл жайында "әл-Арабия" ақпарат көзі хабар таратты. Тегі мысырлық, ағылшындардың «Ливерпуль» футболы клубының ойыншысы жасыл алаңда өнер көрсеткен кезде әлеуметтік желідегі исламға қарсы, наразылыққа, жалаға толы жазбалар бірден 50 пайызға азайып кететіні белгілі болды. Керісінше жанкүйерлері арасында исламға деген қызығушылығы оянып жатқандары қаншама.