Сальвадор ұлттық полициясының директоры Говард Котто қаңтардың 12-сі күні ел аумағында бірде-бір кісі қолынан қаза тапқан адамның болмағанын айтып, әлем қауымдастығынан сүйінші сұрағандай мәлемдеме жасады. Бұл жайында islam.kz порталы Associated Press ақпарат көзіне сілтеме жасай отырып, хабар таратты. "Кеше бізде бірде-бір кісі қолынан адам қаза тапқан жоқ. Тәулік ішінде өлген бір-ақ адам өлді, оның өзі осыдан екі жыл бұрын алған жарақатынан көз жұмды",- деді ол. Десе де қаңтардың 13-і күні, яғни, бүгін Сакатеколука қаласында қауіпті қылмыскерлердің тәртіп сақшыларымен қақтығысы кезінде екі адам ажал құшты. Осының алдындағы кісі өлімі болмаған күн 2015 жылдың қаңтар айының 22-не тұспа-тұс келеді. Сөз реті келгенде айта кету керек, Атлант мұхитының арғы жағалауындағы, Оңтүстік Америка құрлығында орын тепкен аталған ел әлемдегі қылмыс ахуалы күрделі күйінде қалып қойған қауіпті елдердің қатарында көш бастап тұр.
Мұрағат
Көп оқылғандар
■
СПИД-ке қарсы дәрі ойлап тапқан Йемендік ғалым, дін қайраткері Абдульмәжид Зиндани дүние салды
■
Киборг тарақандар пайда болды (видео)
■
Ашық ғарыш кеңістігінде скафандр (арнайы қорғаныш киімін) кимеген адамның қандай күйге ұшырайтыны көрсетілді (видео)
■
Exoquad электр көлігі мүгедектерге өз бетінше саяхаттауға мүмкіндік береді (видео)
■
Бақсы-балгерлерге алты айға дейін қоғамдық жұмысқа жегу жазасы қолданылады