Венсан Калебо есімді сәулетші "2050: Париж – ақылды қала» деп аталатын жоба аясында мұнара түрінде сегіз тұрғын үйдің жобасын жасап жатыр. Мұнара үйлер Франция астанасының қақ ортасынан тұрғызылатын болады. Құрылыс және сәулет саласында мұндай инновациялық өзгеше жобаның қолға алынуына қоршаған ортаның зиянды заттардан шектен тыс ластануы себеп болған. Жасыл желек әр мұнара үйдің сыртқы ажарын кіргізіп қана қоймай, оттегі бөліп, қала экологиясының жақсаруына септігін тиігзетін болады. Осынау биоклиматтық құрылғы, сондай-ақ, жаңғыртылатын энергияның үш түрімен жабдықталады. Бұған қоса, әр ғимараттың өзіндік су албары мен суды сүзгіден өткізетін және жылытатын станциясы болады.