Биыл қасиетті Құрбан айттың құрметіне орай түріктер аттай 10 күн демалады. Түркияның министрлер кабинеті осындай шешім қабылдап, халықты бір жарылқап тастады. Бұған қоса, мереке және осы мерекеге орай берілген демалыс күндері халықаралық маңызы бар стратегиялық автожолдар мен көпірлерден өткені үшін ақы алынбайды. "Егей" туристік қауымдастықтың төрағасы Мехмет Ишпердің айтуынша, қасиетті мереке күндері Түркияға миллиондаған турист келеді. Әлемнің әр түкпірінен. Қазірдің өзінде ел аумағындағы қонақ үйлердің 90 пайызы брондалып қойған. "Туризм мен сауда-саттық саласындағы кәсіпкерлердің мұрты бір майланып қалатын болды",- деді Түркия премьер-министрінің орынбасары Бәкір Боздақ.