Аталмыш акцияның мақсаты – қарт және мүгедек жандарды ауызашар мен тарауих намаздарынан соң үйлеріне жеткізіп салуға арналған. «Ярдем» мешіті рамазан айы бойы ауызашар дастарханын ұйымдастыратын болғандықтан, оған келетін қариялар мен мүмкіндігі шектеулі жандарға осылайша жәрдем беруді жөн көріп отыр.

Акция үйлестірушісі – «Ярдем» мешітінің имамы Рамиль Ибрагимовтың айтуынша, акцияға кез келген автокөлік жүргізушісі қатыса алады. Қазіргі уақытта қасиетті айда сауапқа кенелгісі келген 10 адам кезекке тұрып қойған көрінеді.

Айта кетейік, бұндай акция Қазан қаласында алғаш рет ұйымдастырылып отыр.