Жуырда Жапон билігі Cool Japan деп аталатын, былайша айтқанда, "жұмсақ күш" стратегиясын қабылдады. Мақсаты жапон мәдениетін, дниетанымын әлемге паш етуге, насихаттауға, жаюға саяды. Сол арқылы өз ықпалын арттыруға күш салмақ. Күншығыс елінің «Джиджи» жаңалықтар қызметі таратқан хабарға қарағанда, аталмыш стратегияны жүзеге асыратын арнайы орган құрылады. Бұл орган өз кезегінде бизнес әлемімен, инвесторлармен, дипломаттармен, т.б. ықпалды әрі құзырлы орындармен ынтымақтастық орнатып, әлеуметтік желіде жапон мәдниетін танытуды көздеп отыр. Cool Japan стратегиясы "Жапон" брендін танытуды маөсат ететін Интеллектуалдық меншік басқармасының жиналысында мақұланды. Жаһандық жақындасу, интеграция қарқын алған, қазіргідей ақпарат ағыны заманда күштеп жаулап алудан қаймығатын, әлемге озық технологиясымен, өркендеген экономикасымен, басқа да жетістіктерімен танымал ірі державалар осы бастан қам жасап жатыр. Осылайша өз өнімін өткізу, геосаясатта өзінің мүддесін алға шығаруды мақсат етеді. Естеріңізде болса, кезінде түріктердің "Түркияның жұмсақ күші" (сілтемесі: http://islam.kz/kk/news/alem/turkiyanyn-jumsaq-kushi-11394#gsc.tab=0), қытайдың "Жұмсақ күш" тактикасы мен стратегиясы" (сілтемесі: http://islam.kz/kk/news/alem/jumsaq-kush-taktikasy-men-strategiyasy-10907#gsc.tab=0), орыстың, тағы басқа державлардың жұмсақ күші туралы ішінара, біршама ақпарат берген болатынбыз.