Жылда Малидегі көне мешітті жергілікті тұрғындар лаймен сылап шығады. Нақтырақ айтқанда, Дженна қаласының тұрғындары жылда бір күнін көне мешітті жөндеуге арнайды. Мұсылмандардың бұл құлшылық үйі ХІІІ ғасырда салынған. Айта кетейік, бұл мешіт әлемдегі аса ірі мешіттердің бірінен саналады. Алайда, мешіт жауыннан мүжіліп, пайда болған саңылау-жарықшақтардан ондағы температура мен ауа ылғалдылығы өзгеріп, соның кесірінен тез тозып барады. Бұл мешітті лаймен сылауда жергілікті тұрғындар командаға бөлініп, жарысқа түседі. Кім бірінші болып, мешіттің ең ұшар басын лаймен сыласа, сол жеңіске жетеді. Әлбетте, олар бұл мешітті жөндегені үшін ақы алмайды, жеңімпазға сыйлық берілмейді. Тек Алланың разылығын көздейді. Осылай дейді 15 жастағы Абдулай Шахампо есімді бозбала.