Массачусетc технология институтындағы аса ірі Computer Science and Artificial Intelligence Lab (CSAIL) ғылыми-зерттеу зертханасында қыран сияқты қалықтай алатын және балық сияқты жүзе алатын биологиялық құлтемір жасалды. Жуырда Чикаго қаласында өткен интеллектуалдық құлтемірлер мен жүйелерге арналған халықаралық конференцияда CSAIL мамандары қуыс жерлерге де кіріп кете беретін құлтемірді жұртшылықтың назарына ұсынды. Аталмыш құлтемірдің дизайнына келсек, ол сегізаяққа да, жыланға да ұқсайды. Бұл құлтемір мен оның «қозғалтқышы» 3D-нің көмегімен толықтай силиконнан жасалған. Осының нәтижесінде ол кез келген қуасқа кіріп, бағытын лезде өзгерте алады. Кедергілерді де еңсеріп, қозғала алады. Бұл құлтемірді қоршаған орта турасында ақпарат жинауда пайдалануға болады. Түрлі бағытта қозғалуы үшін аса күрделі алгоритм жасалды.