Мына суреттен көріп отырғандарыңыз – Австралия астанасындағы хайуанаттар бағында жұмыртқа жарған йемендік құбылғылар (хамелеон). Өткен аптада соңғы бес жылдың ішінде тұңғыш рет ұзындығы шамамен бес сантиметрге жететін  жиырмадан аса құбылғы жұмыртқа жарған болатын. Әдетте құбылғы жасыл түсті болып келеді. Жасыл желек секілді. Бұл оны қауіптен қорғайды, яғни, жыртқыштқа байқатпайды. Десе де, оның түсін өзгертетінін кім білмейді?  Үрейленгенде, жем аулайтын аумағын қорғағанда немесе шағылысқанда түсін өзгертеді. Аталмыыш хайуанаттар бағының құбылғыыларға жауапты  Майкл Макфэдденнің айтуынша, олар бәзбіреулер ойлағандай қоршаған ортаға қарай түсін өзгертпейді. Олардың түсінің өзгеруі дене қызуына, көңіл күйіне, т.б. факторларға байланысты түрлі түске ене алады.