Ирак және Сирия ислам мемлекеті (ИСИМ) террористік ұйымы әл-Анбар қаласы арқылы Сауд Арабия қалаларын бақылауына алып, Қағбаны құлататындығын мәлімдеді. Олардың айтуынша, Қағбадағы қара тасты сүю, оны ұстау Аллаға серік қосу болып табылады-мыс. Бұл сонда қандай мұсылмандық, қандай жиһад болғаны?

Ирак және Сирия ислам мемлекеті тобының бір белсендісі Меккедегі Қағбаны құлататынын айтып былай деді: «Алланың қалауымен, шейхымыз әл-Бағдадидің бастамасымен Қағбадағы қара тасты тәуап етушілерді (қажыларды) өлтіреміз және Қағбаны да жоқ қыламыз».

Әбу Ахмад әл-Мұқаддаси атты бір террорист өзінің twitter парақшасында мынадай жазба жариялапты:  

Адамдар Аллаға емес тастарға құлдық ұруға Меккеге барып жатыр. Алланың атымен ант етейін, егер біз Сауд Арабияны жаулап алсақ, онда Алладан басқаға құлшылық еттіргені үшін Қағбаны құлатамыз».