Адам етінен ас дайындайтын мейрамхана жабылды
Адам етінен ас дайындайтын мейрамхана жабылды
2 жыл бұрын 1129

Нигерия билігі адамның етінен ас дайындайтын Анамбра қаласындағы мейрамхананы жапты, - деп хабарлайды tengrinews.kz Opposing Views ақпарат көзіне сілтеме жасай отырып.

Мейрамханаға тамақтануға барған дін қызметшісі даяшының әкелген шотын көріп таңғалады.  "Мейрамхана қызметшісі мен жеген еттің бағасының қымбат болу себебін түсіндірді. Мен адамның етін жеп отырғанымды білген жоқпын", - деді ол.

Қатты таңырқаған дін қызметшісі полицияға шағымданады. Тергеу барысында қаланың тұрғындары мейрамхана маңынан лас киім киген адамдардың топталып жүретінін бірнеше рет аңғарғаны белгілі болды.

Мейрамхананы тексеру барысында АК-47 автоматы мен басқа да қару түрлері, сонымен қатар, мейрамхана асханасынан адамның бастары салынған қалталар табылды. Полицейлер осы іске қатысы бар деген күдікпен 10 адамды ұстады.

Айта кетейік, мейрамхананың адамның етінен ас пісіретіні 2014 жылдың ақпанында анықталған болатын. Дегенмен, полицейлер асхананы бір жарым жылдан кейін ғана жауып отыр.

0 пікір