Келін ата-енесіне қарауға міндетті ме?
Келін ата-енесіне қарауға міндетті ме?
2 жыл бұрын 5284
Құдайберді Бағашар

Исламда әйел мен ерінің өзара міндеттері айтылғанмен, бұл туралы нақты үкім кездеспейді. Десек те, бұның жауабын туыстық қатынастар, бір-бірін бақытты ету тұрғысындағы негіздерден табамыз.

Ең әуелі басын ашатын мәселе, жас келінге ешкім күштеп ата-енеге қызмет еткізе алмайды. Бұл өзара түсіністікпен, көңілмен атқарылатын іс. Ерінің бақытын өз бақытына балаған әйелдер қауымы қашан да ата-енесінің көңілін табуға күш салады. Әлбетте, ер азаматтың бақыты әке-шешесінің қас-қабағына қарайлаған асыл жары екені сөзсіз.

Жастар жағдайға қарай кейде енші алып, бөлек шығып жатады. Кейде ата-енемен бірге тұрады. Міне, осы кезде келіннің ақылы мен сабыры, адамгершілік мінезі көбірек сынға түседі.  

Жас келінге ерінің дүниеге келуіне кімдердің себепкер екенін ұмытпаған абзал. Ерін аяққа тұрғызып, осы күнге дейін асырап бағып, түн ұйқысын төрт бөлген жандардың еңбегі қалайша ескерусіз қалмақ?

Таразылай білген нәзік жандылар үшін ата-ененің қас қабағына қарап, құрметтеудің сыры осында. Сондықтан ақылды жар міндетті түрде ерінің ата-анасын өзінің әке-шешесіндей қабылдайды.

Келін өз құқығын алға тартып: «Дінде ата-енеге қызмет көрсету міндеттелмеген» деп кикілжің шығарса, ерінің көңіліне қаяу түсері анық. Алланың разылығы ерінің ризалығына тікелей қатысты екенін білген әрбір әйел оны қаламаса керек.

Келін ата-енеге құрметінен жаңылмаса, ері де келіншегінің әке-шешесімен жақсы сыйластықта болса, одан асқан бақыт бар ма?

Дініміз үлкендерге құрмет көрсетуге шақырады. Келіннің ата-енеге қарауы келген жағына сүйкімін арттырып, күйеуімен тату тұруына себеп. Бұдан бөлек, бұл істің адами жағы, мейірім мен жанашыр жағы да жоқ емес. Отбасындағы үлкен кісілерге құрмет жасау сол отбасының бақытына да себеп. Кері жағдайда ол отбасында кикілжіңдер орын алары сөзсіз. Ардақты пайғамбарымыз (с.а.у.): «Үмбетімнің қарияларына құрмет көрсеткендер, маған да құрмет көрсеткені» деген.

Құранға үңілсек: «Жақсылықтың қайтарымы жақсылық қана» деген аятты көреміз (Рахман сүресі, 60). Иә, адам өмірінде әр жасалған жақсылық текке кетпейді. Міндетті түрде бір күні адамның алдынан шығады. «Атаңа не істесең, алдыңнан сол шығады» демекші, бүгін ата-енесіне қарағандар ертең өз балаларынан құрмет, жақсылық көреді. Бұл ерге де, әйелге де ортақ. Әйелі үшін күйеуінің ата-анасы, ері үшін әйелінің ата-анасы әке-шеше үкімінде. Сондықтан ол кісілерге барынша құрмет көрсету керек.

Мынандай бір оқиға айтылады.

Бірде үйленгендеріне біршама уақыт болғанда, келіншегі күйеуіне: «Енді сенің әке-шешеңе қарағым келмейді» депті. Айтқанындай күнде түрлі мінез шығарып, күйеуін мезі ете бастапты. Содан күйеуі: – Ақыры менің әке-шешемді сыйламайтын болсаң, онда бір бөлмені босат, – депті.

Әйелі: «Не үшін?» дегенде: – Қайтем енді? Әке-шешеме қарайтын басқа біреумен үйленейін? – депті. Сонда әйелі сасып қалып:

– Сен де әзілді түсінбейді екенсің. Мен қалжыңдап жүрмін ғой. Әрине, өзім қараймын. Ол кісілер маған өз әке-шешемдей емес пе? – деген екен. 

Сондықтан мәселені дәл осыған дейін ушықтырмаған дұрыс.

6 пікір
  • Миндетти емес!!! Шаригат заны миндетти етпеген!!! Егер Ата - Ене келинге жаксы козкараста болса неге карамаска?! Бирак кобинесе енелер келинге жаксы карамайды. Келин типти Болек Уй сурауга хаккысы бар, Осы неге казактар Дастур мен Динди араластырады тусинбеймин?! Жеке уй сурауга болек туруга келиннин хаккысы бар Шаригат заны бойынша http://azan.kz/islam/blog/id/2594.html
    2 жыл бұрын
    • Ассаламу алейкум Жұлдыз қарындасым! Ешкім ешкім хақысын жемейді білсеңіз. Менің ойымша сіз Мақаланы түсінбепсіз. Қазақтың дәстүрі діннен алынған. Ал Ене мен келін арасындағы көпір ол сіздің(мүмкін болашақ) жарыңыз. Яғни, Әйел бақыты - Ерінің ризашылығында! Ал Аллам себепші етіп дүниеге әкелген Әке-Шешесінің разылығы пендені Жәннатқа жетелемейді ме? Ата, Ене, Әке, Ана, Бауырлар, Достар - біздер үшін жәннаттың кілті, түсінсеңіз!
      2 жыл бұрын
    • сение созин казрден бастап мынандай ертен ата енене аузын аспанга каратып кететин сиактысынгой
      2 жыл бұрын
  • Қуаныш аға Сіз дұрыс айттыңыз, Ер адамның жұмаққа баруының бірден-бір себебі ол оның әке-шешесіне деген құрметі, ол қанша рет намазға жығылса да әке-шешеге деген құрметті ұмытпауы қажет. Ал әйел баласының жұмаққа баруының бірден-бір себебі ол шариғат бойынша еріне көңіл бөлу және ерінің әке-шешесіне құрмет көрсете білуінде.
    2 жыл бұрын
    • musilman bauirlar egerde ata ananiz sizdin koldarinizda kartaisa kuaniniz oitkeni ol sizderge jumakti nasip etetin Allahtin bir syi.
      2 жыл бұрын
  • Мен енеммен жақсы тұрамын, менің енем қазіргі заманмен өмір сүруде, мен тіпті енеммен бірге тұрайық дегенде енем жоқ бөлек тұрасыңдар деді, ИСЛАМДА ПАЙҒАМБАРЫМЫЗ С.А.С. ЕНЕСІН РЕНЖІТКЕН АЙЕЛ ЖАҺАННАМДЫҚ ДЕП АЙТПАҒАН, АРКІМНІҢ САНА СЕЗІМІНЕ ҚАРАЙ!!! ӨТІРІК ЕМЕС ЕНЕЛЕР БАСЫНДА КЕЛГЕН ЖАС КЕЛІНДІ ӘБДЕН КЕЛЕМЕЖДЕП ҚЫЙНАТЫНДЫҒЫ , ОНДАЙ МҰСЫЛМАНШЫЛДЫҒЫ ЖОҚ ЕНЕ КІМ ЖАҚСЫ КӨРЕДІ, ЕНЕ САЛИҚАЛЫ АҚЫЛДЫ АНА РЕТІНДЕ ӨЗ ӨЗІН ҰСТАНСА КІМ ОНДАЙ ЕНЕДЕН ҚАШАДЫ?
    5 ай бұрын